موش كل خطوه تنحسب مشوار.. بقلم ✍️الكاتب ✨✨ محمد سالم امبارك امبارك
موش كل خطوه تنحسب مشوار
ولا كل طريق اتقول راه طويله
ولا كل ساكت تحسبه صبار
ولا كل صاحب تسمعه وتحكيله
ولا كل شايب تحسبه دبار
فلي ادبارته تبقي امغير رديله
ولا كل جار اتقول هذا جار
مرات طيبته تكون فيها حيله
الدنيا تعطي كل يوم اسرار
مرات تعدل ومرات فيها ميله
ولا بالشحته تنعطا الأقدار
ولي قدرك واجب ترد جميله
ولا كل صاحب يطفي امعاك النار
اللي مايحس الجرح ماتشكيله
ومش ديمه ديمه تنقبل الأعذار
فلي اجروجه تنتسا تبيله
وفي ناس رفقتها زها الا نظار...
وفلي افراقه عيد يوم رحيله
في حرفته تحطيب هو النار
ويزرع الفتنه بين يوم وليله
وانا طالبك يا الله يا جبار
ترفع عليا الحمول راه تقيله
تعليقات
إرسال تعليق