أمي. ✨✨بقلم 🖋️الشاعر& &د.أنور مغنية 2024 03 21
باللهجة العامية اللبنانية
أمي
يا دار يادار وين أهلك
يا دار وين أهل البيت
وين زوَّاروا .؟
عصافير الصبح يا دار
دخيلك تقلِّي ليش طاروا .
بلكي بتضحكي يا أمي
بلكي بتفرح كمام الورد
والورد بتتفتَّح زرارو.
يا أمي حبايبنا اليوم راحوا
ما بعرف يا أمي وين صاروا
يا أمي يا كل العمر
ابقي معي
حتى إبنك بهالدنيا
يقدر يكمِّل بمشوارو.
يا أمي ياكل العمر ، يا فرح ياحب
يللي وهبتي للقلب دقَّاتوا
منك يا أمي تعلمنا الصبر
وإبنك يا أمي من غير رضاك
الله ما بيقبل صلاتو.
يا أمي يا نور العين والضي
الورد عربش ع حفة الشباك
خجلان من ضحكتك
متخبي ورا ورقاتو.
قولك يا أمي بعدو رغيف الخبز
بعدو بيذكر نارو وحطباتو
قولك يا أمي بعد في تنُّور
حتى نعيد عالزمن خبزاتو .
يا أمي ادعي لإبنك
يطول عمرو شوي
بلكي يا أمي بيقدر
يسدد شوي من دَيناتو.
يا أمي يوم ربنا قلك
ترميني للبحر ، كان يا أمي
ألله عم بيقول فيك آياتو .
بيكفي يا أمي انك اصل هالكون
وبيكفي يا أمي إنو ألله
تحت رجليك حط كل جنَّاتو .
د.أنور مغنية 2024 03 21
تعليقات
إرسال تعليق